Bisping Qastelium

"Qəbələ"dən daha bir transfer

Futbol 21.09.2017 17:39
"Qəbələ"dən daha bir transfer
1176 Dəfə oxunub
“Neftçi” ilə oyununa hazırlaşan “Qəbələ” heyətinə daha bir futbolçu cəlb edib. “Qırmızı-qaralar” nigeriyalı hücumçu Ekiqo Ehiosunla güclənib. Azad agent statusu ilə komandaya qoşulan 27 yaşlı futbolçu ilə 1 illik müqavilə imzalanıb.

2014/15 mövsümündə icarə əsasında “Qəbələ”də çıxış edən Ehiosun “qırmızı-qara” formada 32 oyuna 6 qol vurub. Bütün qollarını çempionatda vuran legioner Premyer Liqada 29, ölkə kubokunda 3 matça çıxıb.

Azərbaycana ilk gəlişinədək vətənində “Varri Volves” (2008-2011), Türkiyədə “Samsunspor” (2011-2012) və “Gənclərbirliyi” (2012-2015) klublarında çıxış edib. 2013-2014-cü illərdə “Samsunspor”, 2014-2015-ci illərdə “Qəbələ”yə icarəyə verilən Ekiqo 2 il öncə Türkiyəyə qayıdıb. O, “Samsunspor” (2015-2016) və “Qazişehir Qaziantep” (2016) komandalarında çıxış edib.

Ehiosun 2011-ci ildə debüt etdiyi Nigeriyanın əsas yığmasında 6 oyun keçirib və 1 qol vurub.