"Sumqayıt"ın qapıçısına 3 oyunluq cəza verildi

Futbol 12.03.2019 14:41
"Sumqayıt"ın qapıçısına 3 oyunluq cəza verildi
370 Dəfə oxunub
AFFA İntizam Komitəsi “Sumqayıt” – “Neftçi” matçında baş verənlərlə bağlı cəzalarını açıqlayıb.

Meydan sahiblərinin baş məşqçisi Ayxan Abbasov 1, qapıçı Mehdi Cənnətov 3 oyunluq diskvalifikasiya olunub. Cənnətov 78-ci dəqiqədə aqressiv davranışı səbəbindən birbaşa qırmızı vərəqə alıb. Abbasov isə 85-ci dəqiqədə texniki zona qaydalarını pozub. Klub qapıçısına görə 2400 manat, baş məşqçisinə görə isə 800 manat cərimələnib.

82 və 84-cü dəqiqələrdə isə yerli azarkeşlər meydana kənar əşyalar atıblar. Bu səbəbdən, klub 1600 manat ziyana düşüb.

Eyni zamanda, "Sumqayıt"ın 4, "Neftçi"nin 8 futbolçusu sarı vərəqə alıb. Bu səbəbdən, klublar hərəyə 800 manat cərimələniblər.

Qeyd edək ki, "Kapital Bank Arena"da baş hakim Rəşad Əhmədovun idarə etdiyi görüş "Neftçi"nin 2:1 hesablı qələbəsi ilə yekunlaşıb.